Mga empleyado sa DepEd, ipa-ilalom sa random drug test

BUTUAN CITY – Malampuson ang gihimung orientation kagahapong adlawa sa Department of Education kon DepEd-Caraga sa kamanduan niining ipa-ilalom sa random drug test ang tanan nilang mga empleyado.

Sigon ni Peter Tecson, Regional Information Officer sa maong buhatan, napirmahan na sa ilang mga tag-as nga opisyal ang papel isip pamatood nga misugot sila sa himuong drug test.

Giklaro ni Tecson nga ang regional director lang ang nahibalo kung kanus-a muabot ang mga operatiba nga maglusad niini.

Tumong sa drug test nga matabangan ang indibidwal nga nalambigit sa ilegal nga druga nga makalingkawas na gikan sa maong bisyo.

Hinoon giklaro niini nga ang bisan unsang resulta sa maong drug test dili pwedeng gamiton batuk sa empleyado. (Rolan Janea)