BUTUAN CITY – Alerto karon ang mga overseas Filipino workers kon OFWs nga atua sa Taiwan human mitay-og ang magnitude 6.4 nga linog ning mi-aging gabii tungod sa gika-ingong laing mas kusog nga linog matud pa nga mu-igo sa maong island territory.
Kini ang gibutyag sa Agusanon nga si Marissa Leuterio, kinsa tulo ka tuig nang nagtrabaho isip caretaker sa Shillin, Taipei sa Taiwan.
Sa eksklusibong pakighinabi sa Bombo Radyo Butuan, gipadayag ni Leuterio nga taga-Bayugan City, Agusan del Sur, magdepende ang impact nga hatud sa linog sa gitas-on sa dakbalay nga nahimutangan.
Kumpirmado siyang duna pa’y pipila ka mga OFWs ang wala pa marekober human ang pag-igo sa linog ilabina sa Hualien (hwa-len) diin daghang buildings ang nadamyos og mitakilid.
Kagahapon, gitay-og pa sila sa 7.4 magnitude nga after shock og depende matud pa sa building ang impact nga hatud sa linog kondiin niadtong higayuna, naghigda lang siya sa 2nd floor hinungdan nga dili kaayo kusog ang impact alang kaniya. (Beth Ruiz)
