BUTUAN CITY – Nagbangutan ang han-ay sa mga lumad sa San Miguel Surigao del Sur sa brutal nga pagpatay sa ilang katribu nga si Mar Bocales.
Sumala ni Datu Rico Maca – Chieftain sa Sitio Hagimitan, Brgy. Bolhoon, lungsod sa San Miguel, Surigao del Sur, mismong ang pamilya sa biktima ang nagpamatuod nga NPA ang nipatay sa biktima.
Hinuon imbes ng mahadlok , mas mahagit matod pa silang makig-alayon sa panggamhanan ilabina sa kasundaluhan aron batukan ang New People’s Army kon NPA aron masakmit ang hustisya alang sa kabanay sa biktima.
Gikabutyag usab niini nga adunay pipila nga mga lumad ang nakadawat ug sulat-hulga gikan sa NPA aron pugngan silang makig-alayon sa kasundalohan apan dili matod pa sila matandog niini tungod kay tumong nila nga makabaton aog hapsay aog malinawong komunidad. (Melody Valledor)
