BUTUAN CITY – Padayon ang gihimong follow-up investigation sa kapulisan og ang hot pursuit operation sa kasundaluhan human ang pagpanunog sa duha ka mga heavy equipment nga gipanag-iyahan sa mayor sa Trento, Agusan del Sur.
Sa pakighinabi ning sibyahan, gibutyag ni P/Sr. Insp Jerry Fernandez, hepe sa Trento Municipal Police Stations, nahitabo ang insidente kagahapon bandang alas-12:45 sa kaadlawon kondiin 6 ka gidudahang miyembro sa rebeldeng grupong New People’s Army kon NPA nga gipanguluhan sa Alyas Cobra sa Front Committee 20 ang misunog sa usa ka payloader ug usa ka backhoe nga gipanag-iyahan ni Trento Mayor William Galvez.
Dugang pa ni Fernandez, gigamitan matud pa ug molotov bomb ang nasangpit nga mga ekipos hinungdan saa pagka-partially burned niini apan totally damaged.
Muabot matud pa sa kapin kon kulang 5-milyones pesos ang damyos sa gisunog nga mga ekwipo kondiin posibleng ang wala paghatag sa mayor og revolutionary tax maoy motibo niini.
Hinuon mapasalamaton kini tungod kay wala’y gipasakitang mga sibilyan nga atua usab sa maong lugar.
Nahitabo kini sa quarry site nga nahimutang sa Sitio Umbod, P-6, Brgy. Tudela, Trento, Agusan del Sur diin gigamit ang maong mga ekwipo..
