BUTUAN CITY – Hustisya ang singgit sa kabanay sa usa ka CAFGU member kinsa brutal nga gipatay sa gitu-uhang mga ka-ubanan niya kaniadto sa rebolusyunaryong pakigbisog.
Naila ang biktimang si Mar Acevedo Bocales kinsa naila usab sa alyas nga Nerson Acevedo, residente sa Purok 5, Sitio Hagimitan, Brgy. Bolhoon, lungsod sa San Miguel, Surigao del Sur og CAFGU member sa Los Arcos Patrol Base ubos sa 9th Special Forces Command, 3rd Special Forces Battalion.
Gika-ingong nanguha matud pa og pinasahing klase sa alibang-bang ang biktima sa bukid sa ilang lugar aron ibaligya sa usa ka butterfly collector sa ingon magamit sa pagpatambal sa nasakit niyang anak.
Sigon sa igsoon niini, napalgan nila nga duna’y mga samad-hiniwaan sa lawas sa biktima og giputol pa ang li-og nga ilang napalgan 5-metros ang gilay-on gikan sa iyang lawas.
Kini gawas pa sa lima ka mga samad-pinusilan diha sa iyang dughan, timaan nga gipa-antos pa kini og maayo adiser gipatay. (Beth Ruiz)
