6 ka miyembro sa NPA nga dili gustong tawagong terorista, misurender sa militar sa Surigao Del Sur

BUTUAN CITY – Padayon pa karun ang pakighinabi sa 6 ka mga miyembro sa New People’s Army kon NPA isip kabahin sa pagsurender sa mga niini ngadto sa kasundaluhan didto sa Surigao Del Sur.

Sigon ni Capt. Rodulfo Cordero, sa 401^st Brigade Philippine Army, lakip sa unom ka mga batan-ong NPA ang CEO sa Guerilla Front Committee 3 nga anaa karun sa headquarters sa 75^th Infantry Battalion bitbit ang tag-as nga kalibre sa armas.

Sa inisyal nga testimonya sa mga nisurender, mibalik sila sa sabakan sa gobyerno tungod sa kakapoy na sa pakigbisog og dili sila gustong tawagong terorista ni Pangulong Rodrigo dungan sa pagsaysay nga ang pipila ka tag-as nga lider lang ang nakapahimulos sa ilang extortion money.

Nisaad matud pa ang mga surenderees nga makig-alayon na sa gobyerno.

Gipahayag nalang ni Capt. Cordero nga gelayong madawat sa mga niini ang Comprehensive Integration Program kon CLIP kansa nadugangan pa ang mga benipisyo og housing.

Sumala sa opisyal, makadawat ang matag miyembro sa NPA nga mibalik sa gobyerno og housing, gawas pa sa livelihood program.