BUTUAN CITY – Tingkagol sa karsel ang duha ka miyembro sa New People’s Army kon NPA human nasikop atol sa implementasyon sa warrant og arrest sa kasong pagpatay karung adlawa sa La Paz, Agusan Del Sur.
Naila ang mga nadakpan nga sila Crisanto Torres Mondejar nga naila usab nga Santos Mondejar, 63-anyos ug Blim Numeron Mondejar nga mas nailang Jun-Jun Mondejar, 25-anyos ug parehong residente sa Brgy. San Patricio sakop sa maong lungsod.
Nasikop ang duruha ka miyembro sa NPA sa hiniusang puwersa sa PRO13 Regional Intelligence Division, Agusan Del Sur Police Provincial Office, 26 Infantry Battalion, Philippine Army ug personahe sa La Paz Municipal Police Station.
Ang maong warrant of arrest gi-isyu ni HON. KIMAL M. SALACOP, Executive Judge sa RTC 10th Judicial Region Branch 6, Patin-ay, Prosperidad, Agusan del Sur nga dunay petsang Nobyembre 23, 2017.
