BUTUAN CITY – Duna na’y anggulong gitutukan ang kapulisan sa Surigao City sa pagpusil-patay sa wala pa ma-ilang lalaki sa usa ka 64-anyos nga lola kinsa papuli na unta gikan sa pagsimba kagahapon sa alas-12:50 sa hapon sa Surigao City.
Sa eksklusibong interview sa Bombo Radyo kang P/Supt. Jay Baybayan. hepe sa Surigao City Police Station, gipadayag niining gikan lang matud pa misimba ang biktimang si Nenita Zaragosa, residente sa Bayawan Uno, Brgy. Luna sa Surigao City ka-uban ang iyang pamilya sa The Church of Jesus Christ of Latter-day Saint kon Mormon Church, dihang gipusil kini sa nakamotorsiklong lalaki sa ulo hinungdan sa iyang hinanaling kamatayon.
Nasayrang duna’y gi-atimang mga propiedad sa ilang pamilya ang biktima aog duna’y usa ka pending case nga usa sa mga gitutukang anggulo sa kapulisan.
Narekober sa crime scene ang usa ka basiyo sa kalibre 45 nga pistola. (Beth Ruiz)
