BUTUAN CITY – Malampusong napahigayon kaganinang buntag sa mga deboto sa patron nga Sr. Sto. Niño sa may Sto. Niño Shrine, ang fluvial procession sa may Agusan River.
Nagsugod kini kaganinang alas-kwatro sa kaadlawon gikan sa Sto. Niño Shrine sa Brgy. Libertad padulong na PPA port diin naghulat ang gigamit nga mga pump boats.
Kini nga kalihukan subay na sa ikaduhang adlaw na sa ilang novena alang sa kapistahan sa patron sa Brgy. Libertad nga sa-ulugon karong Enero 21 kansa gitawag nga Kahimunan Festival.
Sigon ni Mnsgr. Ruel Lasco, katuyuan sa ilang pagpahigayon sa fluvial procession sa Agusan River isip pasalamat sa Kahitas-an nga gigasa Niini dinhi sa siyudad ilabina sa Agusan del Norte og Sur ang nasangpit nga suba.
Pinaagi matud pa sa prusisyon, mahatagan og kahibalo ang tanan pag-atiman og pagprotiher sa maong suba nga maoy pinakadakong gasa sa Diyos sa mga Agusanon. (Beth Ruiz)
