BUTUAN CITY – Gipasabot ni Dante Mira, ang nahimo nilang operasyon sa pagpangsikop sa mga latagaw nga iro ning siyudad sa Butuan.
Sumala ni Mira nga base sa gisunod nilang kamanduan, gikan sa Lunes ngadto sa Biernes ang ilang pagpangsikop sa mga latagaw nga hayop apan ang kasagaran nilang masikop mao ang iro ug sa adlaw’ng Sabado himoon ang gitawag nga mercy killing kon euthanasia .
Sa pagpuli matud pa niya sa puwesto, tulo ka adlaw sukad nga madakpan ang iro, subject na kini sa euthanasia pinaagi sa gas chamber apan tungod kay bawal man sa Republic Act 8485, ipaagi lang sa lethal injection ang pagpatay sa mga iro.
Sa karun, dunay suspensiyon pa sa maong pamaagi hinungdang ipa-adopt nila ang mga iro.
Gipaklaro sa opisyal nga wala’y insidenteng gibaligya ang iro nga ilang madakpan, ug bisan kanus-a dili kini mahitabo tungod kay nagsunod sila unsa may nakalatid sa balaod. (Rolan Janea)
