BUTUAN CITY – Padayong gihulat ang resulta sa gipahigayong random drug test sa kapin 70 ka mga personahe sa Philippne Drug Enforcement Agency kon PDEA-Caraga sa niaging adlaw.
Sigon ni Dindo Abellanosa, regional information officer sa maong buhatan, gibutyag niini nga hangtud sa karun padayon pang gihimu ang screening ug confirmatory testing sa tanang urine sample.
Wala pa usay nagpositibo sa maong drug test.
Pamahayag pa ni Abellanosa nga bisan ug dunay gitakdang drug test, gitugutan gihapong makalakaw sa ilang mga trabaho gawas sa Caraga ang ubang empleyado aron sa ingon walay licking nga mahitabo.
Hinoon, mismong ang regional director sa PDEA-Caraga ang nakig-alayon sa ubang rehiyunal nga opisina aron sa ingon mapa-ilalom gihapon sa random drug test ang iyang ampleyado.
Nanghinaot nalang si Abellanosa nga walay magpositibo sa maong drug test tungod kay dili maayung ehimplo nga ang mosikop sa mga drug suspects, dakponon usab tungod sa samang kalapasan.
Apan kung dunay magpositibo, pahibal-on ang maong indibidwal adiser seguradong matangtang sa serbisyu.
