-- ADVERTISEMENT --
BUTUAN CITY –Nagbangotan karun ang pamilyang Porras sa may Nasipit, Agusan del Norte tungod sa hingpit nga pagtaliwan sa ilang 4-anyos nga anak human nalumos kagahapon sa hapon sa swimming pool sa usa ka beach resort sa Brgy. Amontay sa maong lungsod.
Nailhan ang biktima nga si Prince Jim Porras, 4 anyos, residente sa San Juan, Brgy. Punta, Nasipit, Agusan del Norte.
Nasayrang mitambong ang biktima kauban ang pamilya niini sa usa ka Birthday Party sa nasangpit nga resort apan wala nabantayan sa ginikanan niini nga naligo na ang biktima nga maoy hinungdan sa pagkalumos niini.
Daling gidala ang bata sa Nasipit District Hospital ug gi-refer kini sa Butuan Doctors Hospital apan pipila ka oras ang milabay, nabugtuan sa gininhawa ang biktima.
