BUTUAN CITY – Gitin-aw ni Fire Chief Insp. Peter Montaos sa Bureau of Fire Protection (BFP) Butuan, nga ang awala na-plug nga aircon ang hinungdan sa pag-ulbo sa kalayo nga milamoy sa Department of Education kon DepEd – Agusan del Norte Provincial Office.
Sa eksklusibong interview sa Bombo Radyo Butuan, gipadayag sa opisyal nga namatikdan matud pa sa gwardiya sa maong ahensya nga human mituwak ang ulan, mi-aso na ang parte sa buhatan diin gikabit ang aircon.
Taliwa sa nakuha nilang inisyal nga impormasyon, magpadayon pa gihapon ang ilang imbestigasyon adiser nila kini tapuson.
Dugang pa sa opisyal, ilang nadawat ang fire call pasado alas-5:05 na kagahapon sa hapon og nakontrola pasado alas-sais kagabii.
Subling midilaab ang kalayo pasado alas-onse kagabii tungod sa kadaghan sa mga papeles nga anaa sulod sa nasunog nga buhatan. (Beth Ruiz)
