BUTUAN CITY – Gibana-banang mu-abot sa 5-milyones pesos ang kinatibuk-ang damyos human na-abo sa kalayo ang tibuok dakbalay sa Department of Education kon DepEd-Agusan del Norte provincial office nga nadeklarang under control pasado alas-6:58 kagabii.
Sigon ni Fire Chief Inspector Rey Restauro, Provincial Fire Marshall sa Agusan del Norte, naghimo gilayon sila og overhauling operation sa nasunog nga dakbalay.
Nasayrang pasado alas-5:05 kagahapon sa hapon dihang ilang nadawat ang fire call nga mi-abot ito sa 4th alarm.
Wala na kini mikaylap pa sa kasikbit nga mga buildings tungod sa firewall og wala usab sila’y nadawat nga injury sa maong insidente.
Samtang giproblema karon ni division superintendent Arsenio Cornites Jr. kung unsaon pag-retrieve ang ilang mga papers ilabina nga apil sa nasunog ang cashier og accounting offices. (Mon Aplaya)
