(video and picture courtesy of Lendon Jardinel)
BUTUAN CITY – Narekober na kaganinang ala-una sa kaadlawon ang patay’ng lawas sa lima ka mga tawong nalumos-patay samtang naligo sa Pugad Beach Resort sa lungsod sa Lianga, lalawigan sa Surigao del Sur kagahapon.
Ang katapusang narekober sa mismong beach resort na-ilang sila Roland Cagadas Lagata, 34-anyos og Alvin Galla Almocera, 19-anyos, parehong residente sa Brgy. Santiago, lungsod sa San Luis, Agusan del Sur.
Sigon ni P/Sr. Insp. Melchor Chang-asin, deputy chief of police sa Lianga Municipal Police Station sa eksklusibong interview sa Bombo Radyo Butuan, unang narekober kagahapon ng hapon ang duna pa’y gininhawang sila Joseph Cajutol, 34-anyos, Ronald Baghucan, 19-anyos og Fernando Besing, 24-anyos, parehong mga residente usab sa lungsod sa San Luis.
Dali silang gidala sa ospital human nahatagan og cardio-polmunary resuscitation kon CPR apan bugtong si Dalman Busano lang ang naluwas og namatay na ang tulo ka mga ka-ubanan niini samtang anaa sa ospital.
Sigon sa asuy sa survivor, pareho silang hdili kamaong mulangoy og naka-inom hinungdan nga dihang kalit nga mitaob og mihapak ang dakong balud, hingpit na silang napadpad palayo sa baybayon. (Beth Ruiz)
