BUTUAN CITY – Mibati og grabeng kahadlok ang pamilya Mahilom sa Purok 7, Brgy. Tandang Sora ning siyudad sa Butuan human nga sa ikaduhang higayon, subling nabiktima sa stray bullet ang ilang panimal ay.
Sigon ni Shiela Mahilom, minyo, nanghigda na sila sa ilang kwarto ka-uban ang ilang mga anak pasado alas-12:10 kaganinang kaadlawon og nagdesisyong dili na mugawas pa sa ilang balay aron dili na mabiktima sa mga pabuto.
Tungod kay wala pa gibati’g katulugon, nag-internet pa kini dihang kalit na lang nilang nadunggan ang kusog nga lagubo gikan sa atop sa ilang balay nga mibanda pa sa bungbong.
Daling mitawag og police assistance ang Bombo Radyo og dinhi na nakit-an ang bala nga gitu-uhang gikan sa kalibre 45 ng pistola.
Mahinumdumang tuig 2000 dihang milapos usab sa ilang balay ang bala nga didto mitugdong sa giluto nilang biko sa kalha. (Beth Ruiz)
