BUTUAN CITY – Gikumpirma ni Dr. Jose Llacuna – regional director sa Department of Health kon DOH-Caraga nga mi-abot na sa 290 ka mga elementary pupils ang natupukan og Dengvaxia sa tibuok Caraga Region.
Kini base na usab sa ilang gihimong pakig-coordinate sa mga private pediatricians human mi-ulbo ang kontrobersiya kalabot sa maong anti-dengue vaccine.
Sa eksklusibong pakighinabi sa Bombo Radyo, gipadayag ni Dr. Llacuna nga ang maong ihap sa mga batang nag-edad og 9-anyos pataas, parehong nakakompleto sa tulo ka doses sa maong bakuna.
Alayon niini, gimanduan niya ang maong mga doktor nga monitoron ang nasangpit nga mga bata dayong awhag sa mga ginikanan nga sila na mismo ang mubalik sa ilang doktor alang sa pagpakunsulta.
Kinahanglan matud pang mubalik sa mga hingtungdang pediatricians ang mga ginikanan ilabina kung nakasinati na og duha ka adlaw o labaw pa nga hilanat ang ilang mga anak og duna’y mga rashes sa panit. (Beth Ruiz)
