BUTUAN CITY – Hingpit nang nakauban sa ilang tagsa-tagsa ka pamilya, ang duha ka pulis nga gidagit sa New People’s Army kon NPA sa Placer, Surigao Del Norte. Kini human sa hingpit nga pag-release sa mga bihag nga sila PO2 John Paul Doverte at PO2 Alfredo Degamon Jr. kaganina lang sa usaka programa nga gipahigayon sa may Sitio Palilihan, Barangay Mahanob, lungsod sa Gigakit, Surigao Del Norte.
Sa eksklusibong pakighinabi sa ginganlan ug Ka Otto, ang nagpailang tigpamaba sa Guerilla Front Committee 16 sa NPA, gibutyag niini ang hilabihang kalipay sa mga pamilya sa maong mga pulis, 3rd party facilitator, provincial ug municipal crisis committee og uban pang mitambong nga miabot sa halos 300 ka indibidwal.
Sumala pa ni Ka Otto, adiser gi-turn-over ang duha ka pulis, gi-check up pa kini sa medical staff sa probinsiya ug namahayag nga anaa sa maayong panglawas ang maong mga pulis.
Pahayag pa ni Ka Otto, nga ang gihimu nilang pag-release sa ilang gitawag nga prisoners of war kon POW, nagpasabot lang sa ilang kamatinud-anon sa hisgutanang pangkalinaw.
Kini bisan paman nga gitawag sila ni Pangulong Rodrigo Duterte nga terorista ang NPA, ang pagdeklara sa martial law sa Mindanao ug plano pang pag-implementar niini sa tibook nasud.
