BUTUAN CITY – Human gi-aprubahan sa House Committee on Basic Education and Culture ang House Bill 986, nakatakdang ideklara na ang ‘Balangay’ boat isip nasudnong bangka o ‘national boat of the Philippines.
Ang napapasar nga sugyot ang maoy nag-ila sa ‘balangay’ isip pambansang simbolo sa taras sa panaghiusa o unity, kooperasyon, determinasyon ug resilience sa komunidad sa mga Filipino.
Sigon ni Butuan City ug Agusan del Norte First District Representative Lawrence Lemuel Fortun, ang principal author sa maong balaodnon, ang pagdeklara sa balangay isip national symbol maoy mahimong kaseguruhan nga ang umaabot nga henerasyon nga masilsil sa ilang huna-huna sa dili matupngang kontribusyon sa atong katigulangan sa pagporma sa maritime tradition.
Dugang pa niini nga ang balangay nga naila isip Butuan boat, ang maoy pinaka-unang kahoy nga sakyanang pandagat nga nakabot sa Southeast Asia nga nagpakita sa seamanship expertise sa mga Filipino boat-building genius sa paghimu sa bangka nga dili mogamit ug bisan unsang mga construction materials sama sa lansang niadtong pre-colonial times.
Ang balangay nga makita dnhe lang sa Pilipinas ang gigamit sa atong mga katigulangan aron mamintina ang trade relations tali sa mga kasikbit nga isla sa atong nasud ug mga empires sa palibot sa Southeast Asia.
Target sa kongresista nga ma-aprubahan kini sa ikaduhang pagbasa sa ikaduhang kwarter sa sunod tuig aron ma-transmit gelayon sa Senado para sa ila na usab nga pag-apruba. (Beth Ruiz)
