BUTUAN CITY – Gikansela una ang premier sa pelikulang ‘Siargao’ ni direk Paul Soriano nga himuon unta sa Surigao City karong Disyembre 19 tungod sa filmfest policy.
Kini ang nadawat nga mensahe ni Surigao del Norte Gov. Sol Matugas.
Nasayrang pito unta ka mga artista sa pagpanguna ni Direk Paul Soriano ang mudalikyat sa siyudad sa Surigao sa maong adlaw alang sa romantic drama film.
Una nang gipadayag ni 1st Dist. Congressman Bingo Matugas himuon sa Provincial Gym ang unang pagpasalida sa pelikula nnga gibidahan nila Jericho Rosales, Erich Gonzalez, Jasmine Smith ug uban pa.
Sumala ni Governor Sol Matugas libre sa publiko ang pagtan-aw og butangan usab ug wide screen ang grandstand aron didto magtan-aw ang ubang dili makasulod sa gym.
Nasayrang entry ang maong pelikula sa Metro Manila Film Festival og ma-forfeit matud pa kini kung unang ipasalida sa maong siyudad kansang official premier himuon sa Metro Manila karong Disyembre 20.
Sigon ni provincial tourism officer Ivonnie Dumadag, mitawag si Direk Paul Soriano kang Congressman Bingo Matugas aron ipahibalo nga ang planong pagbisita nila sa maong siyudad og pagpahigayon sa motorkada, ipinalisar na nila sunod tuig. (Beth Ruiz)
