BUTUAN CITY – Gi-presinta sa media ang 28 ka mga misurender nga kanhe rebelding New People’s Army kon NPA sa headquarters sa 401st Brigade Philippine Army sa Barangay Awa, Prosperidad, Agusan del Sur kaganinang alas 9:00 sa buntag.
Sigon ni Capt. Rodulfo S. Cordero, Civil Military Operations kon CMO officer sa 401st Brigade, ang nasangpit nga mga surenderees ang mitahan niadtong bulan sa Nobyembre ug Disyembre sa Surigao ug Agusan Del Sur.
Tumong matud pa niini ang ilang pagpanumpa nga pakig-unong sa gobyerno dungan sa pagsalikway sa rebelding kalihukan.
Sumala pa sa opisyal nga 95 porsiento sa mga misurender, miyembro sa tribo, ug nahatagan na sa livelihood assistance diin ang uban gi-agni sa pagsulod sa pagka-sundalo.
Lakip sa e-prisinta ang mga narekober nga gamit pang-giyera sa NPA diin muabot sa kapin usa ka gatus ka mga armas, kapin usa ka gatus ka IEDs ug daghan pang uban.
Tinguha usab niini nga ipahibalo nga nagka-minus na karun ang puwersa sa NPA sukad niadtong gideklara ni Pangulong Rodrigo Duterte nga mga terorista ang mga niini.
Sa karun dunay dakong ihap nga gi-negotiate karun sa kasundaluhan tungod kay gusto nang mokanaog.
