BUTUAN CITY – Gikonsiderang unconstitutional ang subling paglugway sa deklarasyon sa Martial law sa Mindanao.
Sigon ni Akbayan Partylist Rep. Tom Villarin, walay basehan ang paglugway sa Martial Law tungod kay wala nay actual insurrection o rebellion nga nagtunhay subay sa deklarasyon sa AFP nga nasugpo na niini ang maute-Isis terror group ug nahuman na ang krises sa Marawi.
Dili matod pa basehan ang potential threat sa mga gikaingong nahabiling meymbro sa Maute ug hilabina ang presensya sa New People’s Army kon NPA.
Pagpasabot sa kongresman nga ang NPA usa ka political group nga nagtunhay sukad niadtong 1968 kansa nakigbisog sa tumong niining politikanhong kabag-ohan sa Pilipinas.
Ang gyera tali sa NPA ug sa gobyerno usa ka political problem kansa matubag lang pinaagi sa political way sa peace process ug dili sa Martial law.
Sa higayong malugwayan ang martial law usa nga maapektahan niini ang umaabot nga Brgy. Election ug ang ipahigayong konsultasyon kalabot na sa Bangsamoro Basic Law kon BBL.
Alayon niini giawhag sa kongresman ang katawhan nga magmaigmat sa panghitabo sa nasud nga dili lang basta magsunod-sunod sa desisyon sa panggamhanan hilabina sa hisgutanang Martial Law extention.
Sa pikas bahin giseguro ni Cong. Villarin nga lauman matod pa ang daghang kongresista nga mobabag sa paglugway sa Martial Law.
