Mga butong, usa-usang gisulatan sa tag-iya aron dili makawat sa Butuan City

BUTUAN CITY – Sa tumong nga dili makawat ang butong, gisulatan ni Reynard Roi Cabusao, nga taga Mahogany, Butuan City ang mga niini isip mensahe sa kawatan.

Sumala pa ni Cabusao sa eksklusibong pakighinabi ning sibyahan, mubo lang ang ilang punoan sa lubi nga anaa kilid sa panimalay hinungdang sayun lang kining kuhaon sa bisan kinsa.

Sa karun matud pa nga duna nay butong, posibling naay mag-interest niini gawas sa tag-iya.

Hinungdang nakahuna-huna siya ug sulat sa mga niini. Lakip sa iyang gisulat ang “Kinawat naku ni ila Cabusao, Thou shall not steal, Si Lord nay Bahala nimu ug Nagtan-aw si Lord”. Sumala pa ni Cabusao nga tumong lang niini nga makonsensiya ang mukuha sa maong butong. (Rolan Janea)