BUTUAN CITY – Gitin-aw ni Capt. Rodolfo Cordero Jr. Civil Military Operation kon CMO Officer sa 401st Brigade, Philippine Army, nga dili binuhatan sa 36th IB ang mang-harass ug bisan kinsa.
Kini ang reaksiyun sa opisyal sa gi-post sa tribaL school nga ALCADEV nga gibabagan matud pa sa kasundaluhan ang pagpadala ug hinabang ngadto sa mga bakwit sa bukirang parte sa Lianga, Surigao Del Sur.
Sigon sa opisyal, dili ikatingala ang negatibong panglantaw sa tribal school nga Alternative Learning Center for Agricultural and Livelihood Development, Inc kon ALCADEV batuk sa militar tungod sa kadaghan nang post niini nga batuk sa gobyerno.
Sumala pa ni Capt. Cordero nga gi-explain lang nila ang ilang side ugaling dunay mga post batuk kanila aron masabtan usab sa katawhan.
Gi-angkon niini nga dunay bakwit sa Liangga apan gihimakak nilang ilang gipug-ngan ang pagpadala ug relief goods, sukwahi sa gi-post sa social media.
Kamatooran niini, katabang matud pa sila sa lokal nga kagamhanan sa Lianga pinaagi sa Municipal Social Welfare and Development Office kon MSWDO nga mapadala ang tanang hinabang ngadto sa mga bakwit sa Km. 9.
Sumala pa niini, ang disesyun nga ipaagi sa MSWDO ang mga relief goods, disesyun sa LGU sa Lianga diin ang moagi sa checkpoints kinahanglang mananghid una sa MSWDO. (Rolan Janea)
