Mediamen sa Caraga Region, gihangyo sa PNP nga dili una mutambong sa anibersaryo sa NPA

BUTUAN CITY – Giklaro ni P/Chief Insp. Rennel Serrano – information officer sa Police Regional Office kon PRO-13 nga pahimangno lang ang iyang gipadayag atol sa press conference nga angayang dili una mutambong sa mga kalihukan sa mga rebeldeng New People’s Army kon NPA ang mga tigbalita ilabina atol sa ilang anibersaryo.

Sa eksklusibong pakighinabi ning sibyahan, gipadayag sa opisyal nga kini tungod sa nagpadayong military operations nila sa kabukirang anaa ang presensya sa mga rebelde.

Giklaro sa opisyal nga dili pagbawal ang iyang gihimo kondili pahinumdom lang tungod kay delikado karon ang sitwasyon tungod sa sunod-sunod nga police og military operations.

Dili matud pa angayang balewalaon ang ilang pahimangno tungod kay mas hugot karon ang ilang koordinasyon ngadto sa militar aron lang mapulbos na ang walhong grupo. (Beth Ruiz)