BUTUAN CITY – Nagka-initay sa aire ang anchorman sa Bombo radyo nga si Benjie Barazan ug si SPO3 Bienvenido Albano, imbestigador sa Jabonga Municipal Police Station human na-boking sa anchorman ang pagpangatek sa maong pulis.
Gusto lang unta sa Bombo radyo nga makakuha ug update mahitungod sa pagpangrapido nga natigayon sa maong lungsod.
Nasayrang gitubag ang tawag ning sibyahan ni SPO3 Albano apan wala kini nagpaela ug gane gibutyag niini nga si SPO3 Albano kansa mao ang imbestigador, kumulo pang buhat sa spot report.
Gane, mibalos pa kini ug pangutana sa anchorman kung gusto ba niining maestorya si Albano. Apan kalit lang mipalusot ang pulis sa pag-ingong, bisi pa sila ug patawagon lang ug balik.
Tungod niini, gelayong nangutana ang anchor kung kinsa ang iyang kaestorya aron duna ma-rekord nga nanawag ang sibyahan sa ilang buhatan.
Sa maong punto, mipalag si Albano ug dayong pangutana kung nganung kinahanglang kuhaon pa ang iyang ngalan.
Dinhe na naboking ang maong pulis human siya mitug-an nga siya diay si Albano ug dayong palusot nga ang iyang kauban ang nakatubag sa maong tawag adiser sila nagka-estorya.
Mipalusot usab kini nga dili siya mamahimong mamahayag tungod kay ang otorisado lang niini mao ang ilang hepe nga atua karun matud pa sa usa ka seminar.
Bisan paman niini, nagpasalamat gihapon ang anchorman sa pagtubag sa ilang tawag samtang ang pulis wala na miangkon sa iyang nabuhat.
