BUTUAN CITY – Dako ang pagpasalamat sa lokal nga kagamhanan ning siyudad sa Butuan sa gidonar nga 45-seater tourist bus sa Bachelor Express Incorporated kon BEI ngadto sa city government.
Sigon ni Panpan Nietes, tigpamaba sa Butuan City government, kini ang pinaka-unang pagdonar og yunit sa bus sa maong kompanya human ang 35 ka tuig nilang operasyon ning siyudad.
Gipadayag matud pa sa branch manager sa maong kompanya nga si Herman Avenido nga kini isip suporta sa maong kompanya ngadto sa city government dungan sa pagsaad matud pa nga dugang transportasyon ang ilang ihatag ning siyudad.
Dugang sa opisyal nga ang gihimo sa maong kompanya pagpakita lang sa maayong partnershipa tali sa city government ngadto sa pribadong sektor aroan mutabang alang sa dugang kalambuan ning siyudad.
Dugang sa opisyal, mamahimong gamiton ang maong tourist bus sa capacity building og mamahimo usab nga gamiton sa mga barangay nga duna’y opisyal nga lakaw apan kinahanglang ipananghid una matud pa kini sa buhatan sa mayor. (Beth Ruiz)
