BUTUAN CITY – Matapos karong adlawa ang duha ka adlaw nga Regional Information, Communication and Technology kon ICT Summit ang Department Of Education kon DepEd-Caraga nga gisugdan kagahapong adlawa sa usa ka hotel ning siyudad sa Butuan.
Sigon ni Peter Tecson, Regional Information Officer sa DepEd-Caraga, ang nasangpit nga kalihukan gi-apilan sa tanang personahe sa buhatan kinsa nakatutok sa pag-gamit og computer.
Duna kini duha ka kategorya nga gisalmotan sa 12 ka divisions og gitambongan sa mga speakers gikan sa pribadong sektor kinsa mga IT experts.
Tumong sa maong summit ang pag-engganyo nga gamiton ang gipanghatag nga computer ilabina ang pagdiskubre sa mga pamaagi aron mogaan ang ilang trabaho.
Pagbutyag pa ni Tecson, ipahigayon unyang hapon ang awarding diin ang mga mananaog maoy mo-representar sa National ICT Summit karung Pebrero. (Rolan Janea)
