BUTUAN CITY – Magpatabang sa NBI ang usa ka online businesswoman human gigamit sa duha ka mga minor-de-edad nga gibansagan karong ‘bigtime online scammers’ ang iyang Facebook account aron makakuha og dakong salapi.
Sa eksklusibong pakighinabi ning sibyahan, gibutyag ni Gretchen Faith Olano nga iya nang gipa-blotter ang taud-taud nang gihimo sa mga responsableng sila Kent Mark Taboada og Ashley Louise Taboada ang pagpanapi gamit ang iyang FB account.
Nasayrang gisundog sa mga suspek ang iyang mga business permits og mga posts og mangayo gilayon og bayad sa buot kuhaong items sa mga netizens apan wala’y ipadalang aktwal nga butang.
Maglisod matud pa sila og trace sa ipadalang kwarta sa iya untang mga kostumer tungod kay adto man kini ipahulog sa mga suspek sa Smart Padala kansa dili na mag-require og ID card aron makuha ang gipadalang kwarta.
Higayong madawat na sa mga suspek ang kwarta, ila gilayong ipang-block ang mga nakapadala na kanila og kwarta og dinhi na dayon matud pa gamiton sa mga suspek ang iyang FB account nga Gretchen Faith Alcampado hinungdan nga siya na ang makadawat sa mga mensahe sa reklamo sa na-ilad sa duruha.
Gitu-uhan niyang dili matud pa mu-ubos sa 300-mil pesos ang nasapi sa duha tungod kay duna na’y nagpadala kanila og tag-21 mil ingon man 27-mil pesos sa usa lang ka item.
Na-trace lang ni Gretchen Faith Olano nga mga minor-de-edad ang mga scammers tungod sa katapusan nilang nabiktima nga taga-Manilaa nga nagpadala og kwarta sa usa na ka courier nga nag-require og ID sa pag-claim sa ilang kwarta og nagpatabang kaniya.
Uban sa tabang sa mga personahe sa courier, nasuta nga mga high school students pa ang maong mga responsable. (Beth Ruiz)
