BUTUAN CITY – Gitin-aw ni Brig. Gen. Franco Nemesio Gacal, brigade commander sa 402nd Brigade, Philippine Army, nga wala siya sa posisyon aron magdesisyon sa apelang Suspension of Military Operation (SOMO) og Suspension of Police Operation (SOPO) isip kabahin sa negosasyon alang sa pagbuhi sa gidagit nga duha ka mga pulis sa Placer, Surigao del Norte.
Kini human gipa-abot dinhi sa Bombo Radyo ang apela sa namugnang 3rd party negotiator nga maoy gitahasang makignegosyar sa mga abductors nga New People’s Army (NPA) aron maka-establish na og contact og aron masabutan na ang pagbuhi nila PO2 John Paul Doverte og PO2 Alfredo Degamon Jr.
Sa eksklusibong interview sa Bombo Radyo Butuan, gipadayag ni Gacal nga wala siya sa posisyon nga magdesisyon kalabot sa maong apelang ni negotiator-spokesperson Bishop Maximo Ree Timban ilabina nga duna na’y direktiba si Pangulong Rodrigo Duterte batuk sa NPA.
Una nang gibutyag sa presidente nga gikonsidera na niining terorista agn walhong grupo og giputol na usab niya ang bisan unsa mang negosasyon kalabot sa peace talks. (Rolan Janea)
