BUTUAN CITY – Napahiluna na sa may Our Mother of Perpetual Help Parish sa Brgy. Holy Redeemer ning siyudad sa Butuan ang milagrusong Birheng Maria sa Simala, Lindogon, lungsod sa Sibunga, Cebu human nahidangat sakay sa barkong midunggo sa pantalan sa Nasipit, Agusan del Norte kaganinang buntag.
Ang maong birhen magpabilin sa maong simbahan hangtud pa karong Biernes, Nobyembre 24 og bukas nga du-awon sa publiko alang sa mga pag-ampo.
Nasayrang samtang anaa sa maong simbahan ang imahe sa maong birhen, himuon ang 24-oras nga pagrosaryo kansa mabugto lang kung dunay ipahigayong balaang misa.
Human sa misa kaganinang alas-onse sa buntag sa mismong paghidangat niini, sundan kini karong alas-sais sa gabii og sa susamang mga oras hangtud sa Biernes sa buntag tungod kay pagka-alas dos sa hapon sa maong adlaw na himuon ang misa pasalamat. (Beth Ruiz)
