BUTUAN CITY – Gikumpirma ni Bishop Zacharias Jimenez, Kura Paroko sa Our Mother of Perpetual Help Parish sa Barangay Holy Redeemer ning siyudad sa Butuan, nga mobisita sa dakbayan ang Milagrosong Birhen sa Cebu, ang Mama Mary sa Lindogon, Simala sa Cebu.
Sumala pa ni Bishop Jimenez, unang higayon kining makabisita ang Birhen sa Simala human misugot ang nagdumala niini sa iyang sulat hangyu.
Adiser ang maong pagtugot, dunay 20 ka mga tawo nga misusi sa ilang lugar nga kabutangan sa Birhen.
Pagbutyag pa niini, sugaton nila karung buntag ang Birhen sa pantalan sa Nasipit, Agusan del Norte diin ihapit kini kadali sa simbahan sa maong lungsod ang Saint Michael Parish apil na sa St. James Parish sa lungsod sa Buenavista ug sa Sto. Niño Parish sa Libertad adiser ideretso sa parokya sa Our Mother of Perpetual Help sa Barangay Holy Redeemer.
Ang nasangpit nga convoy gilangkuban sa 24 ka mga sakyanan, apil na niini ang ambulansiyaa og ang paghidangat sa birhen hangtud sa petsa 24 ning bulana isip pagsugod usab sa kasaulugan sa Jubilee years sa parokya sa Holy Redeemer, ang Our Mother of Perpetual Help Parish sunod tuig.
Gi-awhag sa Obispo ang tanang debuto sa pagbisita sa ilang parokya kansa abli 24 oras aron makita ang Birhen alang sa benerasyon ug mga pag-ampo.
Duna matud pay nakatakdang petsa sa mga debuto nga gikan sa ubang probinsiya ug rehiyon apan ang magtotoo sa Butuan, mamahimong makadalikyat bisan unsang orasa. (Rolan Janea)
