BUTUAN CITY – Mi-ani og mga pagbatikos ang duha ka mga magtutudlo sa Don Gaudencio Santos Elementary School sa may Purok 4, Brgy. Tagabaca ning siyudad human nangusi sa usa ka 10-anyos nga magtutungha resulta pagka-trauma niini.
Una nang midangop ning sibyahan ang ginikanan sa batang gi-ila lang sa pangalang Angelie dihang nasayran ang gihimo sa adviser niining si Adeltrudes Bonita og usa ka Mrs. Milagros Torino nga maoy gi-akusahang mikusi sa bata.
Nasayran lang ang gihimo sa maong mga magtutudlo dihang gipangutana sa inahan ang iyang anak human namatikdan ang lagom sa likod niini.
Sa eksklusibong pakighinabi ning sibyahan, gibutyag sa bata nga ang gikasuk-an lang ni Mrs. Torino dihang wala niya matud pa mabasa ang letrang I nga gipabalik-balik og basa kaniya.
Gawas kang Torino, gitapi-on usab matud pa sa iyang adviser nga si Mrs. Bonita ang librong gipabasa kaniya.
Tungod niini, dili na ganahang mutungha ang bata og dili usab siya ganahan sa iyang magtutudlo. (Beth Ruiz)
