BUTUAN CITY – Nailhan na ang duha ka mga patayng lawas sa NPA nga narecober sa encounter site didto sa Barangay 3, Rosario, Agusan del Sur sa niaging adlaw.
Kini mao sila Rosito Sumilhig alyas Ka Bam-bam ug Rol Pablo, alyas ka Charm, parehong residente sa Lungsod sa Rosario ug miyembro sa Guerilla Front Committee-14 sa NPA ubos sa liderato ni Ka Monique.
Gikumpirma usab ni Lt. Omar Veran, Spokesman sa 75th IB Phil. Army nga puros mga menor de edad ang duha ka mga sakop sa NPA nga napatay, base na usab sa gibutyag sa mga pamilya niini nga mi-claim sa maong mga patayng lawas.
Nasayrang human sa engkuwentro sa may Kiat Creek, Sitio Bagong Silang, Brgy. Bayugan 3, sakop sa maong lungsod, gibiyaan ang duha ka patay’ng lawas ug gipakanaog kini sa tropa sa militar kauban ni Barangay Kapitan Reynaldo Cuyos padulong sa sentrong bahin sa maong lungsod.
