-- ADVERTISEMENT --
BUTUAN CITY – Laing malampusong pinaka-unang pagtabok sa kadagatan sa Bohol ang natala human ang wala’y hunong og wala’y pag-abag nga paglangoy ni Pinoy Aquaman Ingemar Macarine kagahapon.
Ang 17.83-kilometros nga gilay-on sa Pamilacan Island sa munisipyo sa Baclayon ngadto na sa Brgy. Bolod sa lungsod sa Panglao nga parehong sakop sa Bohol, nalangoy sa swimming lawyer sulod lang sa unom ka oras og 43-minutos.
Tumong niini ang pag-promote sa Panglao Tourism og mas limpyong kadagatan.
Aminado si Atty. Macarine nga lisod ang maong paglangoy tungod sa 10-knot wind gikan sa sidlakan og sa duha ka oras nga kusog nga bul-og sa tubig atol sa iyang paglangoy hinungdan sa pagsakit sa iyang tuong abaga. (Beth Ruiz)
-- ADVERTISEMENT --
