BUTUAN CITY – Emosyunal og apektado pa gihapon ang kapuyo sa gipatay nga brodkaster nga si Christopher Iban Lozada sa Bislig City, Surigao del Sur.
Gipadayag kini sa amahan ni Honey Faith nga si Barangay Kapitan Alan Toyco, sa Barangay Salvacion ning siyudad sa Butuan human gikumpirma nga nakauli na sa ilang panimalay ang biktima gikan na-ospital.
Apan nabantayan niini nga dali rang makuratan ang iyang anak og kalit lang makamata samtang tulog kansa tima-ilhan nga na-trauma pa kini sa insidente.
Samtang gipadayag usab ni Presidential Task Force on Media Security kon PTFoMS chief executive director Joel Sy Egco nga makig-alayon siya sa Department of Justice kon DOJ aron mapa-ilalom sa witness protection program ang live-in-partner sa napatay’ng komentarista.
Samtang sa hisgutanan sa nahiagum nga trauma sa biktima, maghimu usab sila ug request aron makapangayo ug tabang sa hingtungdang ahensiya. (Rolan Janea)
