Mag-uuma, brutal nga gidunggab og gitigbas-patay sa Agusan del Sur
BUTUAN CITY – Padayon pa ang gihimong imbestigasyon sa kapulisan sa Bayugan City sakop sa lalawigan sa Agusan del Sur sa natigayong pagpanigbas og pagpanunggab-patay ngadto sa usa ka mag-uuma.
Gi-ila ni P/Chief Insp. Darwin Yu – hepe sa Bayugan City Police Office, ang biktimang si Gabriel Dizon Gutierrez, 50-anyos, minyo og residente sa Purok 3, Sitio Azucena, Brgy. Charito sakop sa maong siyudad.
Sa eksklusibong pakighinabi ning sibyahan, gibutyag sa opisyal nga ubay-ubay nga mga samad-dinunggaban og tinigbasan ang na-angkon sa biktima kansa klarong duna’y kasuko niini ang mihimo sa kremin.
Gitu-uhang panimalos ang motibo sa kremin sa tawong nakabangi sa biktima tungod sa kadaghan sa mga samad nga iyang na-angkon. (Beth Ruiz)
