(photos courtesy og Inah Gomez)
BUTUAN CITY – Hingpit nang nahatod sa iyang katapusang pahulayanan kilid sa St. Joseph Cathedral si Butuan Diocese Bishop Juan de Dios-Pueblos adiser ang alas-dose sa udto.
Kini human ang gihimong misa nga gisundan sa prosisyon sa mga obispo gikan sa mga dioceses sa Tagum City, Iligan City, Pagadian City, Zamboanga og uban pang bahin ning pulo sa Mindanao isip paghatud kang Bishop Pueblos sa iyang katapusang pahulayanan.
Apil sa mga naghatud sa lubong ang kaparian mula sa nagkada-iyang parokyang sakop sa Butuan Diocese og ang mga deboto sa Simbahang Katoliko dili lang dinhi sa Butuan kundi apil na sa uban pang mga dioceses diin siya unang na-assign.
In behalf sa Diocese of Butuan, gipasalamatan ni Fr. Amado Jose Baño sa Zamboanga Diocese ang tanang mga sektor nga mitabang sa tibuok panahon sa paghaya hangtud sa hingpit nga paglubong sa maong obispo.
Mahinumdumang namatay si Bishop Pueblos sa edad nga 74-anyos niadtong Oktubre 22 samtang nagpatambal sa Cardinal Santos Medical Center. (Beth Ruiz)
