BUTUAN CITY – Padayong nagpa-alim sa ospital ang usa ka driver sa motorsiklo samtang patay usab ang iyang angkas human nila gibanggaan ang usa ka refrigerated van pasado alas-12:10 sa kaadlawon sa Purok 6, Brgy. Libertad ning siyudad sa Butuan.
Gikostudiya una sa Butuan City Police Station 3 ang driver sa van nga si Victorino Azarcon Cuadra Jr., 48-anyos, taga-Purok 9, Brgy. Obrero ning siyudad ilabina nga namatay ang angkas sa motorsiklong nailang si John, taga-Gingoog City.
Angol usab sa maong hitabo ang driver nga si Salvador Guerra, 28-anyos, residente sa Purok 7, Km. 6, Brgy. Libertad.
Migawas sa inisyal nga imbestigasyon sa kapulisan nga gawas nga wala’y saktong papeles, hubog usab ang duha ka sakay sa motorsiklo nga gitu-uhang maoy hinungdan sa pagbangga nila sa kasugat nga van. (Beth Ruiz)
