BUTUAN CITY – Duha lang sa 49 ka mga pasahero sa air-conditioned bus sa Bachelor Express Incorporated ang angol human kini mitakilid kaganinang alas-singko sa buntag sa Purok 1, Brgy. Taligaman ning siyudad sa Butuan.
Sigon ni PO2 Romuel Delo sa Butuan City Police Station 4, migawas sa ilang inisyal nga imbestigasyon ngadto sa driver nga si Randolph Damuduan, nga mi-ungot matud pa ang brake sa atubangang ligid og tungod sa kadanlog sa dalan, na-overshoot kini og mitakilid padulong sa sapa nga bahin.
Gikan matud pa sila sa Davao City og padulong unta ning siyudad apan wala na maka-abot tungod sa maong hitabo. Gidugang ni PO2 Delo nga natigayon kini dihang muhunong na unta siya tungod sa pasahero nga mukanaog na.
Wala usab gi-discount sa opisyal ang pagtuo sa ubang pasahero nga nakatulog matud pa ang driver kansa apil pa sa ilang sutaon. (Beth Ruiz)
