BUTUAN CITY – Suporta sa katawhan sa simbahan ang duha ka adlaw nga transport strike sa tibok nasud nga gisugdan karung adlawa.
Kini ang gibutyag ni Rev. Carmelito Mero, representante sa Promotion of Church People’s Response kon PCPR sa pakighinabi ning sibyahan.
Sigon ni Rev. Mero, hugot ang ilang pagsuporta sa gihimong hunong pasada sa Pinagka-isang Samahan ng mga Tsuper at Opereytor Nationwide (PISTON) alayon na sa pagsupak sa modernisasyon sa mga sakyanan.
Pasabot pa niini, nakita nilang balido ang ilang hangyu ug boot nga ipadangat nga mensahe sa kagamhanan nga dili una ipatuman ang pag-phase out sa mga sakyanang 15 ka tuig pataas na ang kadugayon, ug pulihan sa electronic nga mga sakyanan.
Kini tungod kay mapihig niini ang gagmay nga operator ug transport driver ug pabor lang kini sa dagkong kapitalista.
Ugaling kini mapatuman, motaas usab matud pa ang plitihan tungod sa kamahal sa mga sakyanang epuli.
Suportado usab nila ang tinguha nga kinahanglang ipatuman sa kagamhanan ang genuine land reform ug national industrialization diin ang mga resources ug mineralis, e-develop aron sa ingon maka-generate kini ug trabaho lakip na ang paghimu sa mga modernong sakyanan, og malikayan ang importasyon.
