-- ADVERTISEMENT --
BUTUAN CITY – Padayon pa ang imbestigasyon sa kapulisan sa Rosario, Agusan del Sur aron matumbok ang motibo sa pagpamusil-patay nga natigayon kagahapon sa alas-dose sa udto sa merkado sa Brgy. Sta. Cruz.
Gibutyag ni SPO1 Charlie Coral sa Rosario Municipal Police Station, ang igo sa likod sa ulo nga milapos sa dagway ang hinungdan nga nakabsan gilayon sa iyang kinabuhi ang 49-anyos nga ulitawong si Rene Sanggalian, residente sa Purok Guava og eco-aid sa susamang barangay.
Migawas sa ilang imbestigasyon nga nagkaon matud pa sa usa ka kan-anan sa merkado ang biktima dihang gihunungan kini sa naka-bonnet nga riding-in-tandem gunmen og gipusil dayong sibat sa wala matinong direksyon. (Beth Ruiz)
