BUTUAN CITY – Upat ka mga artisan chocolate brands nga gi-produce sa Mindanao ang i-showcase sa international festival karong tuiga sa Paris, France og sa Seattle, sa Estados Unidos.
Sigon sa Cacao Industry Development Association of Mindanao Inc. kon CIDAMI, ang maong mga gilangkuban sa Malagos Chocolates, NutraRich Davao Fine Table aog Rosario’s Davao Artisanal Chocolates nga parehong gikan sa Davao City og ang Kablon Farms gikan sa South Cotabato.
I-exhibit kini sa Salon du Chocolat sa Oktubre 28 hangtud sa Nobyembre 1 sa Porte de Versailles sa Paris og sa ipahigayong Northwest Chocolate Festival sa Nobyembre 11 og 12 sa Seattle, USA.
Sigon ni CIDAMI executive director Valente Turtur, dalhon usab nila sa maong mga exhibit ang Ginto Luxury Chocolates sa Bohol og uban pang mga national brands.
Dugang pa sa opisyal, ang pag-apil sa maong mga international festivals maghatag og oportunidad aron ma-showcase ang mga world-class chocolates nga gikan sa Pilipinas og maka-connect sa mga local producers sa Western markets.
Ang Salon du Chocolat salmutan sa 500 ka mga partisipante gikan sa 60 ka mga nasud kondiin apil na dinhi ang 200 ka mga iladong chefs og pastry chefs kansa usa ka must-see event sa tanang mga chocolate lovers. (Beth Ruiz)
