BUTUAN CITY – Migawas sa autopsy report sa PNP-Caraga Regional Crime Laboratory nga ang acute myocardial infraction kon cardiac arrest ang hinungdan sa kalit nga pagkamatay sa usa ka German national.
Nasayrang napalgan na lang nga wala’y kinabuhi samtang sakay sa barko ang 53-anyos nga biktimang si Dirk Dell Henkes didto sa pantalan sa Surigao City.
Gibutyag ni P/Supt.. Jay Baybayan – hepe sa Surigao City Police Station, ang biktima misakay og barko uban ang iyang hinigugmang Filipina og inahan niini nga taga-Dapa, Siargao Island sa lalawigan sa Surigao del Norte.
Sigon sa hinigugma niini, daan na matud pang dili maayo ang paminaw sa biktima sa iyang lawas sa pagsaka pa lang nila sa barko hangtud nga kalit lang kining natumba g nakabsan na sa kinabuhi. (Beth Ruiz)
