BUTUAN CITY – Hugot na karun ang pagpangandam sa lokal nga kagamhanan sa siyudad sa Butuan mahitungod sa gitakdang paghost sa pinaka-unang higayon sa International Youth Camp 2017 karung Oktubre 27 ngadto sa 29.
Abli ang nasangpit nga forum sa tanang magtutungha sa sekondarya sa tibook Caraga. Sigon ni Butuan City Councilor Glen Carampatana, chairman sa committee on education sa hawanan sa Sanguniang Panlungsod sa Butuan, lakip sa makatambong ang gikan sa South Korea nga maoy nag-facilitate sa maong kalihukan, apil na ang Vietnam ug uban pang Asian Countries.
Sa karun, nagpahigayon na sila ug koordinasyon sa kapulisan alang sa igong seguridad, LTTMO, CDRRMO, City Tourism Office, City Public Information Office ug Department of Education.
Lakip sa punterya sa lokal nga kagamhanan ang ma-promote ang kultura sa Butuan.
Ang International Youth Camp 2017usa ka tinuig nga panagtapok sa mga kabatan-onan sa nagkalain-laing nasud sa tumong nga pag-amoma sa ilang kasing-kasing, huna-huna ug espiritu.
