BUTUAN CITY – Na-unay pagkatanggong sa iyang ginadestinuhang Butuan City Police Station kon BCPS-4 ang usa ka pulis human gireklamo sa lechonero nga iyang gibukbok ang ulo tungod sa nahupyak nga litsong baboy.
Naila ang gireklamong si PO2 Hanzal Muñez Jr., 37-anyos, minyo og residente sa Purok 6, Brgy. Ampayon ning siyudad samtang ang reklamante nailang si Ermelito Seriano, 39-anyos, minyo og residente sa Purok 4 sa susamang barangay.
Nasayrang nagpalitson ang maong pulis alang sa gipangandamang okasyon sa ilang pamilya og dihang sa iyang pagkuha niini pasado alas-3:30 kagahapon sa hapon, nakuratan kini tungod sa kalupyak na sa tiyan human nga wa la na matud pa kini’y ribs.
Tungod sa kadismaya, gibukbok sa maong pulis ang ulo sa maong litsunerio atubangan sa iyang anak og asawa resulta nga pursigido ang biktima nga dili i-settle amicably ang maong hitabo. (Beth Ruiz)
