BUTUAN CITY – Nagpagawas ug kadismaya ang han-ay sa kasundaluhan batuk sa laing pagpangdagit nga gihimu matud pa sa New People’s Army kon NPA.
Nasayrang gidagit sa gituohang mga rebelde ang si Datu Gallego kauban ang wala pa mailang miyembro sa CAFGU ning mia-ging alas 10:00 sa gabii sa may Sityo Hayon, Brgy Libas Sud, San Miguel, Surigao del Sur.
Nasayrang si Datu Gallego usa ka aktibo nga galihuk batok sa dili lehitimo nga tunghaan ug wala giila sa DepEd kay dili kini acredited.
Nibatok pud si Datu Gallego sa mga walhung grupo nga padayun nga gapahimulos sa tribu pinaagi sa pangrekrut arun isangka sa militar.
Gapang-awhag matud pa kini na magpahilayu niining mga grupoha arun dili mapahimuslan ang mga inosenteng pang huna huna sa mga tribu nga dakong supak sa IPRA LAW ug CARHRIHL ang paghatag ug taas ug hugot nga pagpatuman sa giingung Self Governance ug Cultural Integrity sa mga IP. (Rolan Janea)
