BUTUAN CITY – Gilusad sa Department of Health kon DOH-Caraga ang mga service delivery network hotline numbers atol sa binulan nga media furom kagahapon ning siyudad sa Butuan.
Sa landline 085 3425724, samtang sa globe 09453592632 ug 09482241857 usab sa smart.
Sa pakighinabi ning sibyahan kang Dr. Jose Llacuna jr sa DOH-Caraga, gibutyag niini nga tumong sa maong lakang nga makatabang sa mga isyu ug pangutana sa katawhan ilabina ning panahona nga halos ang tanang tawo, duna nay cellphone.
Apan giklaro ni Dr. Llacuna nga dili kini consultation clinic tungod kay dili man mga health professionals ang mga responders.
Igo lang matud pa sila maghatag ug mga health guidelines sa mga isyu ug ipaabot nila kini sa hingtungdang ahensiya pinaagi sa usa ka sulat.
Sa karun, office hours lang o 8:00am to 5:00pm lang una kini mamahimong matawagan tungod kay ila pa kining estudyuhan.
