-- ADVERTISEMENT --
BUTUAN CITY – Wala man nakasulod sa Top 10 sa online voting ang kandidata sa Butuan City alang sa Miss Philippines 2017, ika-unom usab dinhi ang usa pa ka pambato sa Caraga Region.
Ang pride sa Bayugan City sa lalawigan sa Agusan del Sur nga si Kathy Januel Ledesma mihakot og 11,210 votes sa online voting dihang natapos kaganinang alas-dose sa udto samtang halos 2-mil ka mga boto lang ang nakuha ni Mary Fern de la Peña nga pambato usab sa Butuan City.
Tungod niini, abanse na sa finals si Ledesma alang sa coronation night karong gabii nga himuon sa The Tent, Manila Hotel.
Una nang mi-apela og suporta sa Bombo Radyo Butuan si de la Peña aron botaran siya online ilabina nga kini ang iyang unang pag-apil sa national beauty pageant. (Beth Ruiz)
-- ADVERTISEMENT --
