BUTUAN CITY – Mi-apela ang garbo sa dakbayan sa Butuan sa Miss Philippines 2017 nga si Mary Fern Dela Peña ug suporta gikan sa iyang mga kababayan pinaagi sa online voting.
Sa eksklusibong pakighinabi sa Bombo Radyo Butuan kang Mary Fern Dela Peña,17-anyos nga senior highschool student ning siyudad kansa usa sa mga kandidata sa Miss Philippines 2017, nangayu kini ug tabang sa tanang Caraganon pinaagi sa pagbotar online, nga hangtud nalang unyang alas 12:00 sa udtu.
Gi-pa-ambit nalang niini ang hilabihang kalisud diha sa screening apan kampante matud pa kining makasulod.
Samtang gi-angkon niini nga mibati siya ug kakulba ilabina kay kini ang unang higayon nga naka-apil siya sa national pageant.
Apan padayon niyang gikontra ang maong kulba nga posibling mosangpot sa mental block sa question and answer portion nga gikonsidera niyang pinaka-pressure nga bahin sa pageant.
Tungod niini, gipangandaman niya kini pinaagi sa pagsige ug basa sa mga current issues. (Rolan Janea)
